Mogadisho –January 21 -2020—Xildhibaanada Ahlusunna ee uu jira Baarlamaanka Galmudug ayaa waxaa ay Maanta sicad uga soo horjeesteen Guddoomiyaha Guddiga doorashada Madaxweynaha Galmudug iyo kuxigeenkiisa ee Maanta lagu doortey Magaalada Dhuusamareeb.
5 Mudane oo ka tirsan 13 Xubnood ee guddiga doorashada Madaxweynaha Galmudug kana mid ah kuwa Ahlusunna oo Warbaahinta kula hadley Dhuusamareeb ayaa waxaa ay sheegen in Guddiga ay faragelin ku heyso dowladda Soomaaliya.
Xubin kamid ah Guddiga ayaa sheegay in maalmihii la soo dhaafay uu taagnaa khilaaf la xiriira doorashada Guddoomiyaha & Gudoomiye kuxigeenka Guddiga doorashada,isla markaana doorashadaas la hor istaagey.
Waxaa uu sheegay in faragelin toos ah ay dowladda federaalka Soomaliya ku heyso Xubnaha guddiga doorashada Madaxweynaha Galmudug,sidoo kalena uu Wakiil uga yahay Guddoomiyaha Cusub ee Baarlamaanka Galmudug Maxamed Nuur Gacal.
5 Xubnood ee ka tirsan guddiga doorashada Madaxweynaha Galmudug ayaa ugu dambeyn waxaa ay sheegeen in dowladda Soomaaliya ay shaqsiyaad gaar ah la doonayaan inay noqdaan Guddoomiyaha iyo guddoomiye kuxigeenka Guddiga doorashada Galmudug.
Xafiiska Wararka Qaranimo Online | Muqdisho
_________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
