Mogadisho | QOL | April 28- 2020–Saacadaha soo socda ayaa lagu wadaa in Magaalada Kis Kismaayo ay soo gaaraan Madaxwaynaha dowlad goboleedka Jubbaland iyo Xubno ay kamid yihiin hoggaanka isbedel-doonka Jubbaland ee uu dhawaan heshiiska ku dhexmaray magaalada Nairobi ee dalka Kenya.
Xubnaha Wafdiga oo ku sugan Magaalada Nairobi ayaa waxaa sidoo kale qeyb ka ah qaar kamid ah Golaha Wasiiradda Jubbaland,waxaana qaban qaabada soo dhaweyntooda laga dareemayaa Magaalada Kismaayo.
Axmed Madoobe iyo Xubnihii Isbedel-doonka Jubbaland ee kala ah Xildhibaan Cabdi Rashiid Xidig, Cabdi Naasir Seeraar iyo Sheekh Daahir ayaa wada-hadallo Nairobi ka dhacay waxaa ay ka heshiiyeen khilaafkii ka dhashay doorashadii Bishii Agoosto ee sanadkii 2019 lagu qabtay Kismaayo laguna doortay Axmed Madoobe.
Mas’uuliyiinta Maanta tagaya Kismaayo ayaa waxaa la filayaa inay ka hadlaan heshiiskii ay gaareen iyo qorshohooda xiga,waxaana warar kale ay sheegayaan in Cabdi Naasir Seeraar iyo Xidig la filayo in hub iyo Ciidamo ay heystaan inay ku wareejiyaan Maamulka Jubbaland.
Xafiiska Wararka Qaranimo Online | Muqdisho
____________________________________________
Xafiiska Wararka Qaranimo Online | Mogadishu, Somalia
_____________________________________________________________________________________