Muqdisho | QOL | December 11, 2020 – Wasiirka Amniga XFS Xasan Xundubeey Jimcaal oo shir Guddoomiyey shirka todobaadlaha ah ee HSJ oo ka dhacey xarunta dhexe ee hay’adda ee Magaalada Muqdisho maalmo ka hor ayaa amaanay shaqada Culus ee Madaxda iyo shaqaalaha Hay’addaasi ay u qabteen Bulshada Soomaaliyeed.
Teamka Hey’adda Socdaalka iyo Jinsiyaddaha oo uu Hogaamiyo Agaasimaha Guud Col, Maxamed Aadan Jimcaale (Koofi) ayay ku tilmaantay wasaarada amniga kuwa shaqo Culus u qabtay Qaranka Soomaaliyeed.
Sidoo kale shaqaalaha Hey’adda Socdaalka iyo Jinsiyaddaha oo uu Hogaamiyo Agaasimaha Guud Col, Maxamed Aadan Jimcaale (Koofi) ayaa waxaa ka muuqata shaqada Culus oo ay hayaan kuwa ka miro dhaliyay
Dhinaca kale Dowlada Soomaaliya ayaa xooga saartay sidii ay u tayayn lahayd waaxda Socdaalka iyo Jinsiyadaha oo ah albaabka laga soo galo Dal kastaa, waxaana la sheegay in is badal muuqda laga dareemayo Hey’adda Socdaalka iyo Jinsiyaddaha .
Col, Maxamed Aadan Jimcaale (Koofi) iyo Ku-xigeenadiisa ayaa shaqaalaha hay’adaasi waxay siiyaan Tababaro Mararka qaar Waxay Siminaaro ugu diraan shaqaalaha Dalalka Dibada ah, taasi oo muujinaysa in shaqaalaha Hay’adda ay ka dhisan yihiin aqoon ahaan Sanadihii la soo dhaafay Tan iyo markii uu Xilka qabtay Agaasime Koofi
Laanta Socdaalka iyo Jinsiyadaha Soomaaliya oo hoos tagta Wasaarada amniga Qaranka Soomaaliya, ayaa waxay u yihiin Tusaalooyinka wanaagsan maadaama ay tahay Hay’addaasi goobta laga dheehdo ama laga soo galo Dal kastaa, taasi oo muhiim u ah Qaran walbaa oo jira.
W/Q: Wariye Abdihakim Elmi Hassan
Email: Cabdixakiin441@hotmail.com
Tel-+254-711830393
Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________