Muqdisho | QOL | January 02, 2021–Kulanka oo looga hadlayay sidii loo xaqiijin lahaa amniga Guud ee magaalada Beledweyne ee Xarunta Gobolka Hiiraan ayaa waxaa Maanta lagu qabtay Xarunta Maamulka Gobolka Hiiraan ee Magaalada Beledweyne.
Kulanka ayaa waxaa shir guddoomiyay Madaxweyne ku xigeenka Hirshabelle Yuusuf Axmed Hagar ( Dabageed), waxaana sidoo kale goobjoog ka ahaa saraakiisha taliska qeybta 27aad iyo Taliyaasha Ciidamada Jabuuti iyo Itoobiye ee qeybta ka ah Howgalka AMISOM.
Shirka ayaa intii uu socday waxaa lagu gorfeyeey sida lagu xaqijiin karo amniga magalada Beledweyne xilli Maalmihii la soo dhaafay Magaalada Beledweyne ay ka dhacayeen dibadbaxyo looga soo horjeedo Maamulka Cusub ee Hir-Shabeelle.
Taliyaha Booliska Hir-Shabeelle Korneyl Xasan Dhicisow Xasan ayaa warbixin ka siiyay Madaxwyene kuxigeenka Maamulka Hir-Shabeelle Yuusuf Axmed Hagar ( Dabageed) xaalada amni ee Gobolka Hiiraan, waxana uu sheegay in Amniga uu yahay mid wanaagsan
Madaxweyne kuxigeenka Dowlad Goboleedka Hir-Shabeelle Yuusuf Axmed Hagar Dabgeed ayaa ugu baaqay Saraakiisha kala duwan ee Ciidamada inay dardar geliyaan howlaha sugida Amniga degaannada Gobolka Hiiraan.
Magaalada Beledweyne ee Xarunta Gobolka Hiiraan ayaa todobaadyadii la soo dhaafay waxaa ka dhacayay banaanbaxyo looga soo horjeedo maamulka Hir-Shabeelle, iyada oo laamaha amniga ay Xabsiga dhigeen qaar kamid ah dadkii soo abaabulay banaanbaxyada.
Xafiiska Wararka Qaranimo Online |
______________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
