April 25-2021
Dagaal kooban oo dhex maray Ciidanki Milateriga ee ka soo baxay furimaha dagaalka ee ka soo hor jeeda mudo kororsiga iyo kuwa fadhiyay Isgoyska Sanca ee magaalada Muqdisho ayaa goor dhawayd waxaa dhex maray dagaal kooban.
Wararka ayaa sheegaya in Ciidamadan ay la wareegeen isgosyka Sanco ayna ku sii jeedaan goobo kale oo muhiim ah sida isgoyska Siinaay oo laga galo Madaxtooyada ilaa isgoyska Xararyaale oo ku Beegan Villa Somaliya.
Ciidamadan ayaa ka yimid xalay Gobolka Sh.dhexe, waxaana Hogaaminayo Col-Saney waxayna ku hubeysan yihiin gaadiidka Dagaalka.
Sidoo kale Ciidamadii Dowlada ee ku sugnaa Isgoyska Sanca ee magaalada Muqdisho ayaa iskaga baxay, kadib markii laga awood Roonaday, mana jiraan inta la ogyahay qasaaraha inta uu la egyahay.
Dhinaca kale dowladda Soomaaliya oo arrintaan ka war heshay ayaa maanta xirtay qaar ka mid ah wadooyinka waa weyn ee magaalada, kuwaas oo la dhigay ciidamo dheeraad ah inkastoo markii dambe la furay dhammaan jidadkii la xiray kadib markii lagu guuldareystay in la xakameeyo ciidamada gadoodsan.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________