Arbaco: August 4, 2021
Shiikh Shariif Shiikh Axmed Madaxweynihii hore ee Soomaaliya ayaa beeniyay wararka sheegaya in ay isku tanaasuleen musharixiinta u tartamaya xilka Madaxweynaha Soomaaliya.
Sidoo kale waxa uu cadeeyay inaysan waxba kajirin wararkaku saabsan shir ay yeesheen waxgaradka iyo siyaasiyiinta beelaha mudullood oo lagu gaaray heshiis isku tanaasul ah oo la dhex dhigay murashaxiinta qaar taas oo meesha ka bixineysa wararka maalmihii ugu dambeeyay la hadal hayay ee ku saabsanaa in ay isku tanaasuleen siyaasiyiinta mushatixiinta ah ee kasoo jeeda beelaha Mudullood.
“Waxaan had iyo goor aaminsannahay dimuqraadiyadda iyo in la galo tartan xor ah, ku salaysan aragti siyaasadeed iyo isbahaysi, taasoo aan waqti soo galinnay welina aan u taagannahay”.
“Sidaa darteed waxaan rabaa inaan caddeeyo inaysan waxba kajirin wararkaku saabsan shir ay yeesheen waxgaradka iyo siyaasiyiinta beelaha mudullood oo lagu gaaray heshiis isku tanaasul ah oo la dhex dhigay murashaxiinta qaar.”
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________