Axad: November 7, 2021
Wararka ka imaanaya magaalada Baydhabo ayaa sheegaya in Hay’adda Nabad-Sugida iyo Sirdoonka Qaranka Soomaaliya ee NISA ay sheegtay inay gacanta kusoo dhigtay shabakad ka tirsan argagixisada Al-Shabaab oo howl-galo ka dhan ah amaanka ka fulin rabay magaalada Baydhabo ee xarunta KMG ah ee maamulka Koonfur Galbeed.
Taliyaha Nabad-Sugida maamulka Koonfur Galbeed Maxamuud Shaahiyow ayaa sheegay inay ku guuleysteen inay soo qabtaan 12 qof oo diyaarinayay howl-galo amaan daro, islamarkaana ay horgeyn doonaan cadaaladda.
Shabakadan ayaa qeyb ka aheyd shabakado dhowr ah oo Al-Shabaab u diyaariya qalqal-gelinta amniga Baydhabo ee maamulka Koonfur Galbeed Soomaaliya.
Sidoo kale Howl-galkan ayaa qeyb ka ah sugida amniga magaalada Baydhabo ee xarunta gobolka Baay sida ay sheegeen laamaha Ammniga.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________