Madaxweynaha Hirshabeelle oo Saraakiisha Ciidamada ku amray xoojinta Amniga Beledwayne

____________________________________________________________________________

Axad: February 20, 2022

Madaxweynaha Dowlad Goboleedka Hirshabeelle Cali Guudlaawe oo ka hadlay qarixii shalay ka dhacay Beledwayne ayaa tacsi u diray qoysaska qaraada dadkii ku waxyeeloobay qaraxaasi.

“Waxaan Alle uga baryayaa Masuuliyiintii iyo shacabkii ku geeriyootay qaraxii argagixiso in uu hoygooda ka yeelo Jannatul Firdowsa, inta ku dhaawacantayna uu Eebbe u boogo dhayo” ayuu yiri Madaxweynaha Hirshabeelle.

Cali Guudlaawe ayaa amray Hay’addaha Amniga ku amray xoojiyaan amaanka Magaalooyinka Beledwayne iyo Jowhar oo ay ka socdaan doorashooyinka Golaha Shacabka.

Booliiska Beledwayne ayaa sheegay in 13 oo isugu jira Musharixiin u taagnaa Doorashada Golaha Shacabka, Mas’uuliyiin iyo dad shacab ah ay ku geeriyoodeen qaraxaasi, halka tiro intaasi ka badan ay ku dhaawacmeen.

Office Nairobi Kenya

_____________________________________________________________________________________