Militeriga Ruushka oo duqeeyay Magaalada Lviv

____________________________________________________________________________

Axad: March 27, 2022

Miletiriga Ruushka ayaa duqeymo culus ka fuliyay magaalada Lviv ee Galbeedka Ukraine, halkaasi oo la soo warinayo in dad badan ay waxyeelo ka soo gartay.

Jugta duqeynta ayaa laga maqlay xaafadaha magaalada, iyada oo muuqaalo la soo duubay lagu arkayay qiiqa Madow ee cirka shareeray muddo nus saac ah.

“Kani waa weerarkii labaad ee ugu weynaa ee ka dhaca magaalada Lviv,” ayuu yiri Mas’uul kamid ah Madaxda Magaalada, isagoo xusay in dad badan ay soo badbaadiyeen. “Tani waa mid caddeyn u in ay ka sii dartay colaadda,” ayuu hadalkiisa raaciyay Mas’uulkan.

Dagaalka u dhaxeeya Ciidamada Ruushka iyo Ukraine ayaa waxaa uu galay Bishii labbaad waxaana weli socda iska hor-imaadyada iyo duqeymaha ay kumaan ruux ku dhinteen, kuna barkaceen Malaaayiin reer ukraine ah.

Office Nairobi Kenya

_____________________________________________________________________________________