____________________________________________________________________________

Sabti: June 25, 2022

Maxkamadda Sare ee Mareykanka ayaa laashay Sharciga “Roe v Wade” ee qeexayay xuquuqda haweeneyda ay u leedahay in ay iska soo rido ilmaha uurkeeda ku jira 15 Asbuuc ee ugu horreeysa.

Maxkamadda Sare ayaa sheegtay in Gobol kasta oo ka tirsan Mareykanka uu u madax bannaan yahay fulinta iyo xadida go’aanka Maxkamadda ay ku laashay sharcigan taariikha ah.

Sharcigan oo soo jiray tan iyo 1973, waa mid kamid ah qoddobada uu muranka badan ka taagan yahay Gudaha Mareykanka, kaasi oo siyaasad ahaan la isku khilaafsan yahay.

Ururada u dhaqdhaqaaqa in la joojiyo Ilmo iska soo ridda ayaa soo dhoweeyay go’aanka Maxkamadda Sare ee Mareykanka, halka kuwa oggolna ay dhigeen Dibadbaxyo ay kaga dhiidhiyeen laalida Sharciga.

Office Nairobi Kenya

_____________________________________________________________________________________