Arbaco: AUGUST 3, 2022
Taliska militeriga Soomaaliya ayaa sheegay in dagaalamayaal ka tirsan Ururka Al-Shabaab ay ku dileyn howlgal ay sheegeen inuu ka dhacay deegaano hoostaga gobolka Hiiraan.
“Degaanka Bukure oo hoostaga degmada Maxaas ee gobolka Hiiran oo ay ciidanka xoogga dalka ka sameeyeen howlgal ayay ku dileen 30 dagaalame iyo saraakiil katisan al-shabaab.” ayaa lagu yiri qoraal kasoo baxay militeriga Soomaaliya.
Sidoo kale ciidamada ayaa sheegay iney gacanta ku dhigeen ku dhawaad 20 qori oo isugu jira kuwa culus iyo kuwa fudgud.
Taliyaha Ciidan Xoogga Dalka Jen, Odowaa Yuusuf Raagge oo warbaahinta Dowladda la hadlay, ayaa sheegay in gabi ahaan ay burburiyeen xaruntii ay deegaanka Bukure ku lahaayeen Al-Shabaab.
Dagaal u dhaxeeyey Ciidamadda Dowladda iyo Al-Shabaab ayaa shalay ka dhacay deegaanka burkure, kuwaas oo ciiidamada Dowladda ay weerar ku qaadeen fariiso Al-Shabaab ay ku lahaayeen deegaankaas.
Ma jirto wax war ah oo kasoo baxay Al-Shabaab oo dhankooda ugu hadlayaam dagaalkii shalay oo militeriga Soomaaliya ay sheegeen in khasaaro ay ku gaarsiiyeen Al-Shabaab
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________