Khamiis: January 12, 2023
Ra’isul Wasaaraha Soomaaliya Xamza Cabdi Barre oo la hadlay jaaliyadda Soomaaliyeed ee waddanka Masar ayaa faah-faahin ka bixiyay dagaalka dhinaca maaliyadda ah ee ay dowladda Federaalku ku qaadday maleeshiyada Alshabaab.
Ra’isul Wasaahara ayaa sheegay inay Alshabaab ay ka xireen 250 akoon oo ay ku lahaayeen 4 banki. Wuxuu intaa ku daray inay sidoo kale xireen 70 number oo lacagaha loogu shubi jiray oo ay ku lahaayeen laba shirkadood.
Xamza Cabdi Barre ayaa sheegay in xogta numberadaas la xiray ay ka heleen shacabka Soomaaliyeed, kadib markii dowladdu ay bishii Oktoober ee sankadii hore sameysay numbarro ay soo wici karaan dadka ay Al-shabaabku soo weydiistaan ‘lacagaha baadda ah ” Markii la arkay in dowladdu shaqeyneyso waa la aaminay” ayuu yiri Xamza Cabdi Barre.
Ra’isul Wasaaraha ayaa sheegay in la baarayo lacagaha ku jira akoonada iyo numberada la xiray. Wuxuu ammaanay wasaarado ay ka mid yihiin warfaafinta, maaliyadda iyo isgaarsiinta oo ay sheegay ‘inay kaalintooda ka qaateen dagaalka dhinaca maaliyadda ah; ee ka dhanka ah Al-shabaab.
Wuxuu intaas ku daray inay xireen shakhsiyaad lagaco u waday saldhiyo ay Al-shabaab ku lahaayeen maagaalooyin ay ka mid yihiin Basra, Gandarshe iyo Xawaadley.
Ra’isul Wasaaraha Soomaaliya aya sidoo kale khudbadiisa uga hadlay arimo kala duwan, wuxuu dul istaagay Muranka dhinaca dastuurka, isagoo soo bandhigay tallaabooyin la qaaday, wuxuuna fariin u diray Puntland.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
