Muqdisho, August 10, 2016:Ilhaan Cumar ayaa ku guuleystay xubinimada Baarlamaanka Gobolka Minnesota, gaar ahaan degmada 60-B, iyadoo ka guuleysatay Phyllis Kahn oo mudada dheer ku fadhisay kursigaas.
Kursiga xubinimada Baarlamaanka Gobolka Minnesoto ee degmada 60-B ayaa waxaa ku tartamayay saddex musharax oo kala ahaa Ilhaan Cumar, Mohamed Nuur oo labaduba ahaa Soomaali iyo Phyllis Kahn oo ayadu ahayd qofku kursiga horay u haystay.
Ilhaan Cumar ayaa heshay codod dhan 41%, halka Mohamed Nuur uu helay 30%, halka Phyllis Kahn ay heshay 29%.
Ilhaan Cumar ayaa noqoneysaa gabadhii u horeysay oo Soomaali Mareykan ah ah oo Xildhibaan ka noqota dalka Mareykanka.
Ilhaan Cumar ayaa aad u soo dhoweysay guusha ay gaartay,waxaana iyadoo ilmeyneysa la dabaal degtay taageerayaasheyda, markii lagu dhawaaqay natiijada codka.
Taagerayaasha Ilham, ayaa sheegay in ay howsha loo doortay ay ka soo bixi-karto.
———————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________