Muqdisho, June 9, 2016: Guddoomiyaha Haweenka gobolka Mudug ee Puntland, Dhudi Yuusuf Axmed ayaa habeenkii xalay ahaa waxaa lagu dilay magaalada Gaalkacyo ee gobolka Mudug.
Dabley hubeysan ayaa toogasho ku dilay haweeneydan, iyagoo durbaba goobta ka baxsaday, waxaana socda baaritaano.
Goob joogayaal ayaa sheegaya in xilliga la dilayay ay ku sugneyd afaafka hore ee gurigeeda, isla markaana uu dhacayay aadaanki maqribka.
Dilalka loo geysanayo dadka wax galka u ah bulshada, ayaa ku soo badanayay Waqooyiga Gaalkacyo, iyadoo bil ka hor lagu dilay Gaalkacyo Ganacsade caan ahaa oo lagu magacaabi jiray Cumar Dheere “AUN” aadna looga yaqiinnay bulshada dhaxdeeda.
————————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
