Muqdisho, June 29, 2016: C/llahi Sheekh Xasan, Wasiirka Wasaaradda Ganacsiga Maamulka Koofur Galbeed oo shir jaraa’id ku qabtay Magaalada Baydhaba ayaa waxaa uu sheegay in Maamulka Koofur Galbeed ay billaabayaan in ay qaadaan Canshuurta Dalagga iyo Ganacsiga degaannada Maamulkaasi.
Waxaa uu sheegay in Wasaaradda Ganacsiga ee Soomaaliya ay sanad ka hor u qoreen Warqad ay kaga dalbanayaan in Wasaaradda Ganacsiga ee federaalka ay qaaddo Canshuurta iyadana looga dambeeyo,Koofur Galbeedna ka siiso qeybta uga soo aadda,laakiin taasi ayuu sheegay in aysan dhaqan gelin oo ay Wasaaradda Ganacsiga ee Federaalka ka waayeen jawaab.
C/Lahi Sheekh Xasan,waxaa uu dhanka kale sheegay in Maamulka Koofur Galbeed aan lagu casuumin Shir Muqdisho ay ku qabatay Wasaaradda Ganacsiga ee Federaalka iyo maamul Goboleedyada oo ay Ganacsatada kula shirayeen,waxaana uu intaa raaciyay in Koofur Galbeed aysan quseyn Qodobada ka soo baxa Shirkaasi.
————————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________