Muqdisho, Nofeembar 12, 2018 —Labba nin oo Bistoolado ku hubeysnaa ayaa degmada Waaberi ee Gobolka Banaadir dil ka geystay sida Idaacada Risaala ay wararka ku heleyso.
Ninka kooxdaani ay dileen ayaa Magaciisa lagu soo koobay in uu ahaa Deeq waxa uuna ahaa sarkaal ka tirsan maamulka Degmada Waaberi ee lagu dhex dilay.
Mid kamid ah kooxda dilka geystay ayaa waxaa gacanta ku dhigay dadka deegaanka oo arkayay markii ay rasaasta ku furayeen Sarkaalka geeriyooday waxa ayna ku wareejiyeen Ciidamada amaanka Degmadaasi, sida ay Risaala u xaqiijiyeen goob joogeyaal.
Wasiirka amniga Somaliya Maxamed Abuukar Islow Ducaalle iyo Xildhibaan C/qaadir Carabow ayaa tagay saldhigga booliska degmada Waaberi, waxayna shacabka uga mahadceliyeen talaabada geesinimada leh ee ay qaadeen.
Ciidamada amaanka ayaa gaaray goobta uu dilka ka dhacay waxayna wadaan baaritaano ay ku baadigoobayaan ninka kale ee baxsaday iyagoo su’aallo weydiinaya ninka ay haayaan.
Xafiiska Wararka QW/Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
