Muqdisho | QOL | January 21, 2019–Milatariga Israel ayaa weerarro ku qaaday saldhigyada Iran ay ku leedahay dalka Suuriya , weeraradda ayaa loo adeegsaday duqeymo dhanka cirka ah sidda ay sheegtay warbaahinta dalka Suuriya.
Wakaaladda wararka ee Interfax ayaa sheegtay in ciidamada difaaca ee Suuriya ay burburiyeen in ka badan 30 gantaal oo ay soo rideen Ciidanka Israel.
Weerarka lagu bartilmaameedsaday garoonka diyaaradaha ee magaalada Dimishiq ayaa waxaa ku dhintay afar Askari oo Suuriya ah, lix kalena waa ay dhaawacmeen, Maadaama saldhigga uu ku yaalla Meel u dhow Garoonka.
“Waxaan bilaabeynaa in aan ku dhufanno bartilmaameedyada Iran ee Quduuska ah ee dhulka Suuriya, waxaanu ugu digaynaa Ciidanka Suuriya in ay isku dayaan in ay waxyeello u geystaan ciidamada Israel ” ayuu milatariga Israel ku yiri bayaan ay soo saareen Saakay.
Ciidamada Qudus ayaa mas’uul ka ah howlgalladda Iran ee Suuriya, waxaana ay si weyn uga hortaggaan weeraradda Israel ee ku wajahan Suuriya
Iran waa taageeraha ugu weyn ee madaxweynaha Suuriya Bashar al-Assad iyo ciidamadiisa ku sugan dagaalka muddo dheer socday.
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________