Muqdisho | QOL | June 14,, 2019 –Wasiirka Wasaarada Maaliyadda Xukuumadda Federaalka Soomaaliya Mudane Cabdiraxmaan Ducaalle Beyle ayaa Magaalada Malabo ee Dalka Equatorial Guinea waxaa uu kula kulmay Madaxweynaha Bangiga Horumarinta Afrika, Akinwumi Adesina.
Wasiir Beyle ayaa Madaxweynaha Bankiga waxaa uu warbixin kooban ka siiyay horumarka Soomaaliya ee dib-u- habeynta,isla markaana waxaa uu Wasiirka ku boorriyay inuu sii wado doorka muhiimka ah ee ku aadan hannaanka Qaran ee loogu jiro deyn cafiska Soomaaliya.
“Waxaan ku faraxsanahay in madaxweynaha Bangiga Horumarinta Afrika, Akinwumi Adesina, uu aqoonsaday dadaalka dib-u-habeeynta ee Xukuumadda Soomaaliya, isagoo sidoo kale xaqiijiyay in Bangiga Horumarinta Afrika uu sii wadi doono taageeradiisa joogtada ah”ayuu yiri Wasiir Beyle.
Wasiirka Wasaarada Maaliyadda Xukuumadda Federaalka Soomaaliya Mudane Cabdiraxmaan Ducaalle Beyle ayaa Magaalada Malabo ee Dalka Equatorial Guinea uga qeyb galay Shirka Bangiga horumarinta Afrika,kaasi oo la soo gabagabeeyay.
Xafiiska Wararka Qaranimo Online | Muqdisho
___________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
