.
.
Isniin: july 19, 2021
Waxaa la xukumay dilaagii lagu naanaysay “Hollywood ” iyada oo lagu xukumay dil toogasho ah markii uu dilay laba dumar ah sannadihii 2000.
Ehellada dadkii la laayay ayaa u ooyay xukunkaas markii xaakin ku xukumay Michael Gargiulo, xukunkaas oo ka dhacay maxkamad ku taal Los Angeles jimcihii.Ashley Ellerin oo 22 jir ah iyo Maria Bruno oo 32 jir ah ayaa labadoodaba toorey lagu dilay guryahooda oo ku yaal California.
Gargiulo ayaa la qabtay ka dib markii qof kale oo dhibbane ah, Michelle Murphy, oo markaa ahayd 26, ay ku guuleysatay inay la dagaallanto.
Wuu ka cararay goobta, laakiin wuxuu ka tagay xoogaa dhiig ah – taas oo u suurta gelisay booliska inay baadhaan.
Gargiulo waxaa lagu xukumay labo dambi oo dil ah iyo hal dambi oo isku day dil sanadkii 2019, laakiin wuxuu sii wadaa inuu ku adkeysanayo inuusan wax dambi ah lahayn.
Hadda waxaa la filayaa in maxkamad kale lagu soo taago magaalada Illinois, halkaas oo uu ku wajahayo dacwad dil oo gooni ah oo ku saabsan dilkii haweeney 18 jir ahayd sanadkii 1993.
Dilkii Kaalifoorniya wuxuu soo jiitay indhaha adduunka maxaa yeelay mid ka mid ah dhibbanayaashan, Ellerin, waxay dooneysay inay la kulanto jilaaga reer Mareykan Ashton Kutcher habeenkii la dilay bishii Febraayo 2001
Isaga oo ka markhaati kacaya dacwada, wuxuu sheegay inuu garaacay albaabka guriga Ellerin ee Hollywood. Markii ay u jawaabi weyday, Kutcher wuxuu eegay daaqadeeda wuxuuna arkay wax uu u malaynayo inay yihiin wasakhda qamriga ee dhulka taal, ayuu yidhi.
Qofka guriga wada degenaa ayaa helay Ellerin oo maalintii xigtay dhimatay mindiyana ay ku yaalliin.
Intii ay maxkamaddu socotay ayuu Kutcher maxkamadda u sheegay in uu isku dayey “baxsado” markii uu ka war helay in Ellerin la dilay.
Gargiulo sida oo kale wuxuu diley Bruno, oo ahayd hooyo afar caruur ah leh bishii Diseembar 2005. Waxay deris la ahayd Gargiulo.
Gabadha kale ee la dagaallantay ee Murphy ayaa ahayd xubnaha ugu muhiimsan ee markhaatiga ku ahaa, maadaama ay iyada si toos ah u aragtay xilligii uu isku deyey in uu dilo.
Markii uu xukunka ku dhawaaqayay ayuu garsoore Larry Paul Fidler yidhi: “Xaaladdan oo kale, meel kasta oo uu tago Mr Gargiulo, dilkani waa uu la socon doonaa.”Si kastaba ha noqotee, waxay noqon kartaa muddo kaddib dilkii u horreeeyey Gargiulo. Dilkii ugu dambeeyay ee Kaalifoorniya wuxuu ahaa 2006 habkaas-na waa la mamnuucay tan iyo 2019 oo uu xukumayay Guddoomiyaha Dimuqraadiga ah ee Gavin Newsom.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
