1161 Views

SAWIRO:-Isbitaalka Baladweyne oo ku dhow in uu xirmo & Wasiiro booqday

SAWIRO:-Isbitaalka Baladweyne oo ku dhow in uu xirmo & Wasiiro booqday
____________________________________________________________________________

Muqdisho | QOL | November 05, 2019–Isbitaalka guud ee Magaalada Baladweyne ee Xarunta Gobolka Hiiraan ayaa waxaa xiligaan uu ku dhow yahay in uu xirmo,kadib fatahaada Wabiga Shabeelle iyo Roobab ka da’ay Magaalada Baladweyne oo biyo dhigay.

 

Wasiirka Wasaaradda Waxbarashada Soomaaliya Xildhibaan Cabdullaahi Goodax Barre kana mid ah guddiga gurmadka fatahaadaha iyo Wasiirada Caafimaadka Fowsiya Abiikar Nuur ayaa waxaa ay booqdeen Isbitaalka Baladweyne oo xilligaan uu ka socdo howlo Biyaha looga saarayo.

 

“Waxaan kormeer ku tagay isbitaalka guud ee gobolka Hiiraan oo dhallinyaro isku xilqaamay ay ku guda jiraan sidii biyaha dhex fadhiya looga saari lahaa si bulshadu ay isbitaalka uga helaan adeeg caafimaad oo dhameystiran ayuu yiri”Wasiir Goodax Barre.

 

Sidoo kale Wasiirka ayaa ugu baaqay  Cid kasta oo gacan ka geysaneysa  ololaha biyaha looga saarayo isbitaalka ay soo dhaweynayaan,isla markaana garab la siindoono.

 

Xaalada Magaalada Baladweyne ayaa todobaadyadii la soo dhaafay waxaa ay mid aan wanaagsaneyn,waxaana saakay markale xirmay Garoonka Diyaaradaha,kadib roob mudo ka badan 8 Saacadood ka da’ayay Magaaladaas.

 

Xafiiska Wararka Qaranimo Online | Muqdisho

_____________________________________________________

_____________________________________________________________________________________

Xafiiska Wararka Qaranimo Online | Mogadishu, Somalia

_____________________________________________________________________________________

Advertisement

_____________________________________________________________________________________ _____________________________________________________________________________________ _____________________________________________________________________________________

Share This Post

Post Comment