Moqdisho,August 16, 2021 —Muuqaalo argagax leh ayaa laga soo qaaday garoonka diyaaradaha ee Kabul iyada oo dadka ka quustay waddanka ay isku dayayaan in ay cararaan kadib qabsashadii caasimada Afgaanistaan ee Taliban.
Dad goobjoogayaal ah ayaa BBC -da u sheegay in ugu yaraan saddex qof oo rayid ah ay ku dhinteen fowdada garoonka, oo ay ammnigiisa sugayaan ciidamada Mareykanka.
Duulimaadyadii ganacsiga ayaa inta badan la hakiyay, iyadoo ay garoonka ku xayirmeen boqolaal qof oo reer Afgaanistaan ah iyo dad kale oo ajaanib ah.
Mareykanka iyo dalal kale ayaa isku dayaya inay daad gureeyaan shaqaalaha iyo xulafadooda.
Axadii kooxda Taliban ayaa ku dhawaaqday guul kadib markii madaxweynaha Afgaanistaan Ashraf Ghani uu dibada u baxsaday ayna burburtay dawladiisii.
Dib u soo noqoshada Taalibaan ayaa soo afjaraysa ku dhawaad 20 sannadood oo isbaheysiga uu horkacayo Mareykanka uu dalka ka joogay.
Xafiiska Qaranimo Online | Muqdish
____________________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
