Muqdisho | QOL | June 19, 2017—Madaxweyne Ku Xigeenka Maamulka Hirshabeelle Cali C/llaahi Xuseen “ Cali Guudlaawe” ayaa sheegay in dadka Soomaaliyeed iyo Maamulka Hirshabeelle ay dhib weyn ku qabaan isticmaalka wadada isku xirta Magaalooyinka Muqdisho iyo Jowhar.
Waxa uu sheegay in saacado badan ay qaadaneyso isticmaalka wadada isa markaana uu waqti kaga dhumayo dadka Soomaaliyeed ee isticmaalayo wadadaasi.
Waxa uu ugu baaqay shirkadaha dhismayaasha ka shaqeeya in ay xooga saaraan dhismaha iyo dayactirka wadada isku xirta Magaalooyinka Muqdisho iyo Jowhar.
Waxa uu ku baaqay in meel loogu soo wada jeesto sidii wax loogu qaban lahaa burburka wadada.
Madaxweyne Ku Xigeenka Maamulka Hirshabeelle Cali C/llaahi Xuseen “ Cali Guud laawe” ayaa shacabka Hirshabeelle ugu baaqay in ay la shaqeeyaan Maamulka isla markaana kala shaqeeyaan hormarinta degaanada Hirshabeelle.
W/Q:- BASHIIR BARRE ALI
Xafiiska Wararka Qaranimo Online | Muqdisho
____________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
