Muqdisho | QOL | June 02. 2017— Wasiirka Wasaaradda Maaliyadda Dowladda Federaalka Soomaaliya C/raxmaan Ducaalle Bayle oo maanta marti ku ahaa Barnaamij ka baxayay TV-ga Dowladda ayaa shacabka Soomaaliyeed ka dalbaday in ay bixiyaan canshuurta.
Waxa uu sheegay muhiim in ay tahay shacabka Soomaaliyeed in ay ka qeyb qaataan dib u dhiska Ciidanka, Wadooyinka, si loo gaaro hormaro talaabo wanaagsan leh.
C/raxmaan Bayle ayaa Dhalinyarada Soomaaliyeed ka codsaday in ay joogaan wadankooda oo ay ka shaqeystaan, taasina ay sharaf leedahay, oo uusan waxba tareyn wadan shisheeye.
Sidoo kale Wasiirka Maaliyadda ayaa sheegay diyaar in ay u yihiin canshuurta shacabka Soomaaliyeed laga soo qaado in ay wax badan ku qabtaan, hadii ay ku qaban waayaana ay isaga degi doonaan kursiga.
Arbacadii ina dhaaftay ayuu Wasiirka Maaliyadda XFS C/raxmaan Ducaale Bayle waxa uu shir jara’id ku qabtay xarunta Wasaarada, isaga oo kaga uga hadlayay horumarada ay Wasaaraddu samaysay 60-kii casho ee u dambaysay sida:- kordhinta dakhliga, qaadashada mushaaro joogta ah iyo arrimo kale.
W/Q:-BASHIIR BARRE ALI
Xafiiska Wararka Qaranimo Online | Muqdisho
______________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________