Muqdisho | QOL | December 01, 2017—Maxkamad ku taalla Magaalada Mandheera ee Bariga Dalka Kenya, ayaa 30 Sano oo xabsi ah ku riddaay muwaaddin Soomaaliyeed oo lagu magacaabo C/raxmaan Cabdi Taakoow, kaas oo lagu eedeeyay inuu ka tirsanaa Al-Shabaab.
Ninkan oo 22 jir ah ayaa laga qabtay gudaha xabsi ku yaalla Magaalada Mandheera, iyadoo loogu shakiyay inuu wararka iyo sirta Ciidamada usiin jiray Dagaalamayaasha Al-Shabaab ee ka dagaallama gudaha Soomaaliya.
Ciidamada Boliiska Magaalada Mandheera ee Dalka Kenya ayaa Gacanka ku dhigay C/raxmaan Taakoow 14-kii Septembar ee Sanadkan 2017-ka,iyadoona ninkan la eedeeyay uu iska fogeeyay eedeemaha ay ku soo rogeen saraakiisha Ciidamada ee gacanta ku soo dhigay.
Xubno badan ka tirsan Dagaalmayaaasha Al-Shabaab ayaa dhowr jeer dowlada Kenya gacanta ku dhigtay,iyadoona ay ku eedeyso inay xiriir dhow ay la leeyihiin Al-Shabaab.
Ciidamada Amaanka Wadanka Kenya ayaa cabsi badan ka qaba in Shabaab ay weeraro ka fuliyaan magaalooyinka waaweyne ee wadanka Kenya,inkastoo ay xusid mudan tahay in marar badan Al-Shabaab ay weeraro ka geysteen gudaha Wadanka Kenya oo dad badan Kenyan ah ay dhimasho iyo dhaawac ay ka soo gaartay.
Dowlada Kenya ayaa horey u sheegtay inay adkeyn doonto amaanka magaalooyinka ka tirsan wadanka Kenya,waxaa ayna shacabkeeda ugu digtay inay ka fiijignaadaan Qatarta ka imaan karta dagaalamayaasha Al-Shabaab.
Xafiiska Wararka Qaranimo Online | Muqdisho
__________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
