Madaxweynaha Mareykanka Donald Trump ayaa ugu hambalyeeyey Iraq, Ra’isulwasaaraheeda iyo ciidanka amaanka xoreyntii ay kooxda Daacish ka xoreeyeen magaalada Mosul.
Bayaan uu kasoo saaray Aqalka Cad ayuu madaxweyne Trump ku sheegay in maalmaha Daacish ee dalalka Ciraq iyo Suuriya ay soo yaraadeen kadib guusha Mosul.
Wuxuu intaasi raaciyey in ay sii wadi doonaan burburinta kooxdani.
Khudbad laga sii daayey telefishinka oo uu Abdi ka jeediyey qeybta qadiimiga ah ee magaalada ayuu ku sheegay in guushani ay tahay mid soo afjartay cadawnimada argagixsida.
Millatariga Mareykanka ayaa soo dhaweeyey hadalka Ra’isulwasaaraha Ciraq, balse sheegay in ay wali jiraan meelo ka mid ah magaalada Mosul oo u baahan in wali laga nadiifiyo miinooyin iyo maleeshiyo ka tirsan Daacish oo ay u badantahay in ay dhuumaaleysanayaan.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________